WAZEE SPORTS KLABU WAICHAPA ZSSF 2 – 1

TIMU YA SOKA YA WAZEE SPORTS KLABU HII LEO IMEWATOA JASHO VIJANA WA ZSSF KWA KUWABANJUA BAO 2 – 1 KATIKA MCHEZO WA KIRAFIKI ULIOCHEZWA KATIKA VIWANJA VYA MAISARA MJINI ZANZIBAR.

MCHEZO HUO ULIOANZA MAJIRA YA SAA KUMI JIONI UMESHUHUDIA WAZEE WAKIPATA BAO LA KWANZA KUPITIA KWA MSHAMBULIAJI WAO RASHID TALL AMBAYE ALIPOKEA PANDE SAFI TOKA KWA BADRU ADAMU NA KUPACHIKA MPIRA WAVUNI KWA MADAHA.

DAKIKA THELATHINI BAADAE KIPINDI CHA KWANZA ZSSF WALIWEZA KUREJESHA BAO AMBALO LILIWEKWA KIMIANI NA MUDATHIRU NA KUFANYA MATOKEO KUWA SAWA HADI KIPINDI CHA KWANZA KINAMALIZIKA.

KIPINDI CHA PILI KILIANZA KWA TIMU ZOTE KUSHAMBULIANA HUKU ZSSF WAKIONEKANA KUTEPETA NA KUWAPA NAFASI WAZEE AMBAO WALIKUWA WAKIPIGA PASI KWA UHAKIKA NA MNAMO DAKIKA YA 75 YA MCHEZO WAZEE WALIANDIKA BAO LA PILI HUKU KAZI NZURI YA RASHID IKIONEKANA KUMPA NAFASI BADRU ADAM KUFUNGA KWA URAHISI BAO LA PILI BAADA YA KUWACHOMOKA MABEKI WA ZSSF.

MARA BAADA YA MCHEZO HUO KUMALIZIKA NILIBAHATIKA KUONGEA NA KOCHA WA MAVETERANI HAO MUSA RAJABU KHALFAN AMBAYE YEYE AMEWATAKA VIJANA KUFUATILIA WAZEE WAO ILI WAPATE UJUZI MBALI MBALI WA KISOKA.